سمعت صوت الباب بيتفتح بعد دخولى الاوضه بدقايق ومفيش ثوانى لقيت امى بتخبط
على الباب ودخلت
- ايه يابنتى اللى انتى عملتيه ده ابوكى هيقلبها حريقه ربنا يستر
ربنا يستر ياخوفى من اللى هيعمله
- متخافيش انا عارفه انه مش هيعمل حاجه بس هو مصدوم ان بعد كل السنين دى من الطاعه حد يقف قدامه ويقوله لا
وهو مفيش حاجه فى ايده يعملها انا هديلو الفلوس اللى هو عاوزها وزياده ومصاريف البيت هشيلها
- طيب فهمينى ازاى يابنتى ..ايه اللى فى دماغك ؟!!
- متقلقيش هقولك فى الوقت المناسب
عدت الليله هادية جدا مفيهاش اى حاجه تستدعى الخوف والقلق بس برغم كده كنت قاعده مستنيه انه يجي ويعمل اى تصرف ولازم اكون صاحيه ومنتبهه فضلت قاعده على الكنبه بغالب النوم والنوم بيغالبنى
بس غصب عنى نمت وعينى غفلت صحيت على صوت امى وهى بتصحينى قمت مفزوعه وسالتها بسرعة
- هو فين,, ايه اللى حصل ؟؟!!
- نايم فى اوضته متخافيش مفيش حاجه حصلت
خدت نفس عميق وطلعته من جوا صدرى وكانى بخرج هم مسجون بين ضلوعى
كده خطتى ماشيه تمام كام يوم وكل حاجه هتتغير.
-------
عدى الاسبوع ده عادي جدا روتينى زى باقى الايام فى حياتى بين الكليه والبيت وبين جثث الميتين اللى بقت ادمان من نوع خاص بالنسبالى ... كنت راضيه بالايام البسيطه دى وكأنى بودعها لانى عارفه انى داخله على ايام مفيهاش اى نوع من انواع الروتين ..... يوم الخميس
وفعلا جه اليوم اللى استنيته وصحيت بنشاط ولبست هدومى وفطرت
وخرجت فى طريقي للكلية بس للاسف اتاخرت جدا فى الطريق بسبب حادثه اخرتنى عن معاد المحاضره
ووصلت وكل اللى فى القاعه خارجين راح عليا تقديم البحث
لازم فى طريقه اقدمله البحث ..بس اعمل ايه مشيت وانا بفكر ياترى اقدمله البحث ازاى اروحله مكتب الدكاتره واقدمهولو بس ازاى اكلمه مش هعرف هتلغبط وهرتبك وهيبان عليا اهتمامى بيه وانا اصلا مش بعرف اتكلم
قطع صوت افكارى يوسف اللى كان واقف قدامى بالظبط باصصلى وهو واقف بيتكلم مع طالب تانى معانا فى الكلية
اتحركت ناحيته فى عزم منى ان دى الفرصه اللى هتخلينى اديلو البحث وفعلا روحت ناحيته ووقفت قدامه وكان الطالب خلص سؤاله ومشي
وقفت ابصله وكانى للحظه فقدت صوتى ورعشة اتحركت فى جسمي بطريقه عشوائية
ونطق موجه كلامه ليا
- خير عاوزه تسألينى فى حاجه ؟!
اقسم انى للحظه حسيت انى جثه اتسحبت منها الروح وبقيت منتظرة ان جسمي يلمس الارض حالاً
فتحت شفايفي وانا بحاول اطلع الكلام وفعلا طلع ببحه غريبه
- البحث اللى حضرتك طلبته ...
- مجبتيهوش ليه فى المحاضرة ..!؟؟؟؟؟؟
- انا اسفه ..بس مقدرتش احضر المحاضره كان فى مشكله فى الطريق واتأخرت
- تمام ..مفيش مشكله هاتى البحث وانا هراجعه مع باقى الابحاث
- شكرا لحضرتك
هز راسه وخد البحث من ايدي وبدأ يتحرك بعيد عنى ..وانا فى حاله من اللاشعور
**
حاولت اهدى اعصابي اللى باظت بمجرد ماشفت يوسف
صدقنى مكنتش عارفه ليه بحس الاحساس ده تفتكر ممكن اكون ......بحب ؟!!!
قعدت فى الكافيتريا وطلبت حاجه ساقعه وقعدت ابص لمجموعه من الاوراق اللى كانت فى ايدي بس فعلا كانت دماغى فى حاجه تانيه
لحد مابيصت على الموبايل وافتكرت خليفة النهارده لازم اشوفه لان النهاردة الخميس .!!!!
مسكت التليفون وبحثت عن اسمه فى قائمه الاسماء
وضغط زرار الاتصال وبعد اقل من ثانيتين سمعت صوت خليفه وهو بيقولى ...:
- الوووو ..مين معايا
- ايوه ياخليفه ازيك ..مش عارفنى ولا ايه ؟!! مش انا سجلتلك الرقم جنبيه شكل معين عشان تعرفنى
- ايوه اييوه لمؤاخذة ياابلة فاطمة مخدتش بالى والله اصلك اول مره تكلمينى من ساعة لمااخدتى الرقم
- طيب ولا يهمك ياخليفه عموما عاوزه اقولك على حاجه اسمع اللى هقوله كويس وتنفذه بالحرف ماشي
- أوامرك ياابلة فاطمه اتفضلى اؤؤمرينى
- النهارده بعد صلاه العشا بنص ساعة تقابلنى قدام باب بيت الست كرامة وحاول محدش ياخد باله منك وانت رايح
ومتدخلش عندها الا لما ادخل معاك . عاوزاك فى المصلحة اللى قولتلك عليها وهفهمك كل حاجه عندها
- طيب ياابلة وماله مفيش ايتوها مانع بعد العشا بنص ساعه وبعد مالبلد الحركه فيها تهدا خالص هروح عند بيت الست كرامه واستناكى قدام الباب حاضر
- ماشي ياخليفه يلا مع السلامه
- سلام ياابله
خدت بعضي بدون تفكير واتحركت وجبت بعض الطلبات من البلد كنت محتجاها للكليه
وركبت اول عربيه متحركه لقريتنـا قرية "ميـت عذاب "
وصلت تقريبا وكان المغرب بيأذن دخلت البيت وكان الوضع الطبيعي زى ماهو مصطفى قاعد جمب امى اللى بتخيط بعض الملابس اللى اتعطف علينا بيها بعض من الجيران واهالى القرية الاكابر اما هدى فمحنيه على طبليه كبيره عليها بعض الكتب والكشاكيل والاقلام بتذاكر وبتعمل واجبتها المنزلية
دخلت بسرعه لاوضتى وشيلت الحاجات اللى كنت جبتها وكانت امى حضرتلى الاكل اكلت بسرعه
ودخلت على الحمام اخدت دش سريع وطلعت لبست هدومى وبلغت امى انى رايحه عند سهام عشان اجيب منها بعض الاوراق
كان لسه باقى على العشا حوالى 5 دقايق
بس ده وقت مناسب لاخر خطوه
طلعت فى طريقى برا القريه وكان طريق مضلم مهجور الا من ضوء القمر على جانبيه ترعتين مليان باشجار الصفصاف الكبيره من الجانبين برضه كان نادر ان حد يمشي فيه
هو كان مكان مناسب جدا حطيت من ايدي الكيس اللى كان فى ايدي وبدأت احفر فى التراب كان لازم يكون بعمق كبير حاولت احفر اكتر و بسرعه كبيره وبعد دقايق كانت الحفره اللى حفرتها مناسبه جدا وهى دى اللى مطلوبه بتهيالى
اخرجت اللى جوا الكيس وبدأت بدفنه ومسكت المشرط الطبي اللى كان معايا وقطعت بطن كف ايدي جرح كبير شويه وكان عميق وكانه جرح طبي لاجراء عمليه معينه ضميت ايدي وصوابعى على الجرح وعصرت قطرات دمي على المدفون كانت الكمية دى كافية من الدم وبسرعه ردمت كويس جدا التراب فوق الحفره ورجعتها زى ماكانت بالظبط وقمت وقفت عليها وساويتها برجلى كويس جدا نضفت هدومى من التراب اللى مسك فيها وخصوصا ان ملابسي كالعاده سوداء
وحطيت المشرط فى الكيس اللى كان معايا ورميته فى الترعه كانت قطرات دمى شديده وكانت محتاجه ان الجرح يطهر ويتغسل وخصوصا ان الجرح اتلوث من التراب بس مش مهم دلوقت بعدين لازم اوقف الدم عشان قرب معادي مع خليفه
شديت الطرحه اللى كانت على راسي ومسكت طرفها باسنانى وجزبته جامد اتقطعت حته صغيره شديت بايدي باقى القطع وقطعت قطعه كبيره من الطرحه لفيت بيه ايدي وعدلت الطرحه على راسي من جديد وعدلت هدومى واتحركت ناحيه بيت كرامة
**
طبعا بتسال مين كرامة ؟؟!! عندك فضول شديد انك تعرفها مش كده؟!!!
انا هقولك ...
"كرامه او الشيخة كرامة زى مابيسميها نص ستات بلدنا والبلاد اللى جمب بلدنا لا
ومش ستات بس طبعا رجاله واطفال وشيوخ كمان
صاحبه العلامات المبروكه بترجع المطلقة لجوزها وتفك السحر والأعمال وتجلب الحبيب وتفك كرب العانس وترد الغايب وتشفي اللى مالوش عند الاطبه دوا حتى اللى اتأخرت فى الحمل تحملها واللى مفيش امل فى علاجها تريح بالها وكله بما يرضي الله ورضا ربنا ورضا الاسياد شالله يااسيادنا
كرامة حالة من الدجل والشعوذة موجوده فى كل مجتماعتنا المصريه بس باسماء مختلفه
متعرفش اى حاجه عن السحر ولا البركات مجرد كلام حفظته وكام وصفه من عند العطار وحبه بخور وسبح وكام حجاب منقوع واللذى منه لذوم سبك الدور والضحك على الغلابة "
قربت من بيتها وكان مستنينى خلف فعلا زى مااتفقنا قربت منه وشاورتله وسألته بصوت
- واطى حد شافك ؟!!
- لا محدش ..بس احنا هنا ليه ؟!
- هفهمك دلوقت ..بس ندخل الاول ..؟!!
- هو احنا هندخل هنا يااابله مبلاش الله يكرمك مش ناقصين تلبيش ..!!!
- هو انت بتخاف ياخليفة؟!!!!....امال حارس الميتين ازاى ؟!!!
- لا ياابله مش بخاف ..بس الست دى دماغها تعبانه والواحد مش ناقص تلبيش الله يكرمك.!!
- بس ياخليفه بطل كلام خايب انا معاك اهو ..
خبطت على باب كرامة اللى كانت بترد من جوا
- ميــن؟!!
- افتحى ياست كرامة انا فاطمة بنت فهيمه المغسلة ...!!
- عاوزه ايه السعادي يابنت فهميه ..!!
فتحت الباب ووقفت تبص لينا من فوق لتحت وبصت بنظرات سريعه ناحيهه خليفه اللى سألته
- هى مين اللى دماغها تعبانه ياحارس الميتين انت ؟!!
قرب خليفه فى قلق وهو بيقولى بصوت واطى
- مش قولتلك ياابله مش ناقصين تلبيش اهى عرفت اللى قولته عليها
- بصي ياست كرامه انا جيالك فى مصلحه هتأكلنا كلنا الشهد
هتدخلينا ونكلم جوا ..ولا نمشي ونشوف حد تانى ؟!!
- جرا ايه يابت انتى ماتقفى عوج وتتكلمى عدل ...مصلحه ايه ياجربانه ياشحاته انتى اللى هتأكليهالى انا
ده انا معايا فلوس تشترى بلدك دى
- ماشي ياستى هعديلك كل اللى قولتيه ده واركز تانى على اللى جايه فيه عشان مش فاضيالك معانا فى المصلحه دى؟!!
ولا امشي؟!!
- لا اما افهم الأول ياعين امك ...ادخلواا
دخلت انا وخليفه لبيت كرامه اللى كان زى ماالناس بتحكى عنه بالظبط
مجموعه من الجماجم لبعض الحيوانات وبخور فى اماكن متفرقه فى البيت وواضائه حمراء لزوم الخوف يعنى
وكنبتين قصاد بعض وفى وسطهم طرابيزه كبيره مدوره وكرسي وراها
قعد خليفه على الكنبه وهو عمال يستعيذ بالله من الشياطين اما كرامه قعدت على كرسيها وهى بتبصلى وانا عماله اتفرج على البيت بتاعها من فوق لتحت وكل ركن وكل حته
واخيرا رجع نظرى ليها
- هاا خلصتى فورجه يابنت فهيمه ولا هتفضلى طول الليل تتفرجى
- ههههههههههههه بصي يا كرامة هقولك كلمتين وتسمعيهم كويس اوى
- ياااه ده انتى قلبك جمد اوى يابت ..ايه من معاشرتك للميتين بقيتى زيهم قلبك ميت ولا ايه خافى على نفسك ياختى
- لا لا بقولك ايه سيبك من الحبه دول مش عليا انا ... انتى عارفه وانا عارفه ان كل ده فى الفاضي
وكل اللى بتعلميه ده مش هياكل معايا ومش هيدخل دماغى
ردت بنظره قلق
- قصدك ايه ....يابنت المغسله ..؟!!
- اولا بطلى لسانك الطويل ده ثانيا لما تكلمينى تقوليلى يافاطمة او يادكتوره فاطمة انا ليا اسم تتكلمى بيه
بصي ياكرامة انا عارفه انك نصابه وانك لا بتفكى اعمال ولا بتفكى سحر ولا بتعرفى حتى تقري الغيب وكل ده شويه حركات عشان تكسبي قرشين
والكلام ده انا متاكده منه زى مانا متاكده انك قدامى ..بس برغم كل ده جيالك فى مصلحه حلوه وكل الفلوس اللى معاكي دى كوم
واللى هتكسبيه من هنا ورايح كوم تانى شهرتك واسمك المسمع ده مش هيسمع فى المنصوره بس لا هيسمع فى مصر كلها من شرقها لغربها وهتبقي بجد كرامه صاحبه العلامات والكرامات اللى بتنول اللى جيلها بركاتها وتقضي حاجتهم
لو موافقة اقعد ونتفق ؟!!!
سكتت شوية وهى بتفكر وفى نفس الوقت جوا عنيها نظرات الخوف والقلق
شيلت نظرى عنها وبصيت لخليفة اللى معندوش اى فكره احنا هنا ليه
قاطعنى صوتها وهى بتقولى
- فهمينـى الاول يا فاطمة انتى عاوزه ايه بالظبط
- ماشي ...يبقي اقعد ..انتى طبعا بيجيلك ناس كتير اوى عاوزين يفكوا الكرب ويقضوا حاجه وانتى بتخميهم وبتاخدى فلوس فى الفاضى
من هنا ورايح لو حطينا ايدينا فى ايد بعض هيبقي مش فى الفاضي اللى هيجيلك هيخرج من عندك حاجته مقضيه
- ده ازاى ان شاء الله ؟!!
- ملكيش فيه انا اللى هقولك تعملي ايه وانتى تنفذية بس وتبقي انتى اللى فى الصوره
وانا بعيد خالص ولو اسمى جه فى حاجه مش هتخلصي منى ابدا وهبقي عملك الاسود
- وانتى بقي ياعيله اللى هتعرفى تعملى اللى معرفتش اعمله طول السنين دى ؟
- اه انا اللى هعمل وهتشوفى... انا بقالى شهور بستعد لكل ده دلوقتى جه وقت التنفيذ
- والمعدول اللى انتى جراهولى ده ايه دوره فى المووضوع ؟!!!
- كل حاجه هتعرفيها فى وقتها .دلوقتى انتوا الاتنين موافقين تبقووا معايا ولا لا ؟!!
ردت بسرعة بدون ماتفكر حتى
- مدام فيها فلوس كتير زى مابتقولى يبقي معاكى؟؟!!
- وانت ياخليفة ..؟؟!!
- معاكى يابلة ...انا نفسي ارحم عيالى من الشقا واعلمهم وادخلهم المدارس عشان ميبقوش زيي ..واللى يرفص النعمه اللى جياله يبقي حمار
- ماشى بس عشان تبقوا فاهمين الفلوس اللى هتطلع من الحوار ده هتتقسم علينا احنا الثلاثه بس انا هاخد تلتين وانتوا التلت ومتقلقوش التلت بتاعكو هيفيض ويكفى واللى احنا هنعمله ده هيبقي سر بينا ولو السر ده طلع بره فى رقاب هتطير
والخاين بينا مصيره الموت وهتقسمو على كده
ردوا فى نفس واحد " نقسم "
- عشان تبقوا فاهمين من هنا ورايح
اى كلمه اقولها سيف على رقبتكوا تتنفذ امر لازم تطيعوه
- "موافقين "
- ماشي نضفى كل الشغل القديم بتاعك وانهيه
واول حد يدخل بابك من بعد اتفاقنا ده تتصلى بيا قبل مايوصلك هكون عندك اسمع بودنى شكوته
واقولك تعملى ايه هستنى منك تليفون فى الرقم ده...
وخدت قلم كان قدامها وكتبتهولها فى كشكول قدامها
طلعت انا وخليفه وفهمته انه يستنى منى تليفون ومشيت فى طريقى انى اكمل الخطوة اللى باقيه ..
مشيت ناحيه البيت المهجور اللى ورا بيتنا بشارعين هو
ده أأمـن للخطوة الاخيرة .......!!!!
- ايه يابنتى اللى انتى عملتيه ده ابوكى هيقلبها حريقه ربنا يستر
ربنا يستر ياخوفى من اللى هيعمله
- متخافيش انا عارفه انه مش هيعمل حاجه بس هو مصدوم ان بعد كل السنين دى من الطاعه حد يقف قدامه ويقوله لا
وهو مفيش حاجه فى ايده يعملها انا هديلو الفلوس اللى هو عاوزها وزياده ومصاريف البيت هشيلها
- طيب فهمينى ازاى يابنتى ..ايه اللى فى دماغك ؟!!
- متقلقيش هقولك فى الوقت المناسب
عدت الليله هادية جدا مفيهاش اى حاجه تستدعى الخوف والقلق بس برغم كده كنت قاعده مستنيه انه يجي ويعمل اى تصرف ولازم اكون صاحيه ومنتبهه فضلت قاعده على الكنبه بغالب النوم والنوم بيغالبنى
بس غصب عنى نمت وعينى غفلت صحيت على صوت امى وهى بتصحينى قمت مفزوعه وسالتها بسرعة
- هو فين,, ايه اللى حصل ؟؟!!
- نايم فى اوضته متخافيش مفيش حاجه حصلت
خدت نفس عميق وطلعته من جوا صدرى وكانى بخرج هم مسجون بين ضلوعى
كده خطتى ماشيه تمام كام يوم وكل حاجه هتتغير.
-------
عدى الاسبوع ده عادي جدا روتينى زى باقى الايام فى حياتى بين الكليه والبيت وبين جثث الميتين اللى بقت ادمان من نوع خاص بالنسبالى ... كنت راضيه بالايام البسيطه دى وكأنى بودعها لانى عارفه انى داخله على ايام مفيهاش اى نوع من انواع الروتين ..... يوم الخميس
وفعلا جه اليوم اللى استنيته وصحيت بنشاط ولبست هدومى وفطرت
وخرجت فى طريقي للكلية بس للاسف اتاخرت جدا فى الطريق بسبب حادثه اخرتنى عن معاد المحاضره
ووصلت وكل اللى فى القاعه خارجين راح عليا تقديم البحث
لازم فى طريقه اقدمله البحث ..بس اعمل ايه مشيت وانا بفكر ياترى اقدمله البحث ازاى اروحله مكتب الدكاتره واقدمهولو بس ازاى اكلمه مش هعرف هتلغبط وهرتبك وهيبان عليا اهتمامى بيه وانا اصلا مش بعرف اتكلم
قطع صوت افكارى يوسف اللى كان واقف قدامى بالظبط باصصلى وهو واقف بيتكلم مع طالب تانى معانا فى الكلية
اتحركت ناحيته فى عزم منى ان دى الفرصه اللى هتخلينى اديلو البحث وفعلا روحت ناحيته ووقفت قدامه وكان الطالب خلص سؤاله ومشي
وقفت ابصله وكانى للحظه فقدت صوتى ورعشة اتحركت فى جسمي بطريقه عشوائية
ونطق موجه كلامه ليا
- خير عاوزه تسألينى فى حاجه ؟!
اقسم انى للحظه حسيت انى جثه اتسحبت منها الروح وبقيت منتظرة ان جسمي يلمس الارض حالاً
فتحت شفايفي وانا بحاول اطلع الكلام وفعلا طلع ببحه غريبه
- البحث اللى حضرتك طلبته ...
- مجبتيهوش ليه فى المحاضرة ..!؟؟؟؟؟؟
- انا اسفه ..بس مقدرتش احضر المحاضره كان فى مشكله فى الطريق واتأخرت
- تمام ..مفيش مشكله هاتى البحث وانا هراجعه مع باقى الابحاث
- شكرا لحضرتك
هز راسه وخد البحث من ايدي وبدأ يتحرك بعيد عنى ..وانا فى حاله من اللاشعور
**
حاولت اهدى اعصابي اللى باظت بمجرد ماشفت يوسف
صدقنى مكنتش عارفه ليه بحس الاحساس ده تفتكر ممكن اكون ......بحب ؟!!!
قعدت فى الكافيتريا وطلبت حاجه ساقعه وقعدت ابص لمجموعه من الاوراق اللى كانت فى ايدي بس فعلا كانت دماغى فى حاجه تانيه
لحد مابيصت على الموبايل وافتكرت خليفة النهارده لازم اشوفه لان النهاردة الخميس .!!!!
مسكت التليفون وبحثت عن اسمه فى قائمه الاسماء
وضغط زرار الاتصال وبعد اقل من ثانيتين سمعت صوت خليفه وهو بيقولى ...:
- الوووو ..مين معايا
- ايوه ياخليفه ازيك ..مش عارفنى ولا ايه ؟!! مش انا سجلتلك الرقم جنبيه شكل معين عشان تعرفنى
- ايوه اييوه لمؤاخذة ياابلة فاطمة مخدتش بالى والله اصلك اول مره تكلمينى من ساعة لمااخدتى الرقم
- طيب ولا يهمك ياخليفه عموما عاوزه اقولك على حاجه اسمع اللى هقوله كويس وتنفذه بالحرف ماشي
- أوامرك ياابلة فاطمه اتفضلى اؤؤمرينى
- النهارده بعد صلاه العشا بنص ساعة تقابلنى قدام باب بيت الست كرامة وحاول محدش ياخد باله منك وانت رايح
ومتدخلش عندها الا لما ادخل معاك . عاوزاك فى المصلحة اللى قولتلك عليها وهفهمك كل حاجه عندها
- طيب ياابلة وماله مفيش ايتوها مانع بعد العشا بنص ساعه وبعد مالبلد الحركه فيها تهدا خالص هروح عند بيت الست كرامه واستناكى قدام الباب حاضر
- ماشي ياخليفه يلا مع السلامه
- سلام ياابله
خدت بعضي بدون تفكير واتحركت وجبت بعض الطلبات من البلد كنت محتجاها للكليه
وركبت اول عربيه متحركه لقريتنـا قرية "ميـت عذاب "
وصلت تقريبا وكان المغرب بيأذن دخلت البيت وكان الوضع الطبيعي زى ماهو مصطفى قاعد جمب امى اللى بتخيط بعض الملابس اللى اتعطف علينا بيها بعض من الجيران واهالى القرية الاكابر اما هدى فمحنيه على طبليه كبيره عليها بعض الكتب والكشاكيل والاقلام بتذاكر وبتعمل واجبتها المنزلية
دخلت بسرعه لاوضتى وشيلت الحاجات اللى كنت جبتها وكانت امى حضرتلى الاكل اكلت بسرعه
ودخلت على الحمام اخدت دش سريع وطلعت لبست هدومى وبلغت امى انى رايحه عند سهام عشان اجيب منها بعض الاوراق
كان لسه باقى على العشا حوالى 5 دقايق
بس ده وقت مناسب لاخر خطوه
طلعت فى طريقى برا القريه وكان طريق مضلم مهجور الا من ضوء القمر على جانبيه ترعتين مليان باشجار الصفصاف الكبيره من الجانبين برضه كان نادر ان حد يمشي فيه
هو كان مكان مناسب جدا حطيت من ايدي الكيس اللى كان فى ايدي وبدأت احفر فى التراب كان لازم يكون بعمق كبير حاولت احفر اكتر و بسرعه كبيره وبعد دقايق كانت الحفره اللى حفرتها مناسبه جدا وهى دى اللى مطلوبه بتهيالى
اخرجت اللى جوا الكيس وبدأت بدفنه ومسكت المشرط الطبي اللى كان معايا وقطعت بطن كف ايدي جرح كبير شويه وكان عميق وكانه جرح طبي لاجراء عمليه معينه ضميت ايدي وصوابعى على الجرح وعصرت قطرات دمي على المدفون كانت الكمية دى كافية من الدم وبسرعه ردمت كويس جدا التراب فوق الحفره ورجعتها زى ماكانت بالظبط وقمت وقفت عليها وساويتها برجلى كويس جدا نضفت هدومى من التراب اللى مسك فيها وخصوصا ان ملابسي كالعاده سوداء
وحطيت المشرط فى الكيس اللى كان معايا ورميته فى الترعه كانت قطرات دمى شديده وكانت محتاجه ان الجرح يطهر ويتغسل وخصوصا ان الجرح اتلوث من التراب بس مش مهم دلوقت بعدين لازم اوقف الدم عشان قرب معادي مع خليفه
شديت الطرحه اللى كانت على راسي ومسكت طرفها باسنانى وجزبته جامد اتقطعت حته صغيره شديت بايدي باقى القطع وقطعت قطعه كبيره من الطرحه لفيت بيه ايدي وعدلت الطرحه على راسي من جديد وعدلت هدومى واتحركت ناحيه بيت كرامة
**
طبعا بتسال مين كرامة ؟؟!! عندك فضول شديد انك تعرفها مش كده؟!!!
انا هقولك ...
"كرامه او الشيخة كرامة زى مابيسميها نص ستات بلدنا والبلاد اللى جمب بلدنا لا
ومش ستات بس طبعا رجاله واطفال وشيوخ كمان
صاحبه العلامات المبروكه بترجع المطلقة لجوزها وتفك السحر والأعمال وتجلب الحبيب وتفك كرب العانس وترد الغايب وتشفي اللى مالوش عند الاطبه دوا حتى اللى اتأخرت فى الحمل تحملها واللى مفيش امل فى علاجها تريح بالها وكله بما يرضي الله ورضا ربنا ورضا الاسياد شالله يااسيادنا
كرامة حالة من الدجل والشعوذة موجوده فى كل مجتماعتنا المصريه بس باسماء مختلفه
متعرفش اى حاجه عن السحر ولا البركات مجرد كلام حفظته وكام وصفه من عند العطار وحبه بخور وسبح وكام حجاب منقوع واللذى منه لذوم سبك الدور والضحك على الغلابة "
قربت من بيتها وكان مستنينى خلف فعلا زى مااتفقنا قربت منه وشاورتله وسألته بصوت
- واطى حد شافك ؟!!
- لا محدش ..بس احنا هنا ليه ؟!
- هفهمك دلوقت ..بس ندخل الاول ..؟!!
- هو احنا هندخل هنا يااابله مبلاش الله يكرمك مش ناقصين تلبيش ..!!!
- هو انت بتخاف ياخليفة؟!!!!....امال حارس الميتين ازاى ؟!!!
- لا ياابله مش بخاف ..بس الست دى دماغها تعبانه والواحد مش ناقص تلبيش الله يكرمك.!!
- بس ياخليفه بطل كلام خايب انا معاك اهو ..
خبطت على باب كرامة اللى كانت بترد من جوا
- ميــن؟!!
- افتحى ياست كرامة انا فاطمة بنت فهيمه المغسلة ...!!
- عاوزه ايه السعادي يابنت فهميه ..!!
فتحت الباب ووقفت تبص لينا من فوق لتحت وبصت بنظرات سريعه ناحيهه خليفه اللى سألته
- هى مين اللى دماغها تعبانه ياحارس الميتين انت ؟!!
قرب خليفه فى قلق وهو بيقولى بصوت واطى
- مش قولتلك ياابله مش ناقصين تلبيش اهى عرفت اللى قولته عليها
- بصي ياست كرامه انا جيالك فى مصلحه هتأكلنا كلنا الشهد
هتدخلينا ونكلم جوا ..ولا نمشي ونشوف حد تانى ؟!!
- جرا ايه يابت انتى ماتقفى عوج وتتكلمى عدل ...مصلحه ايه ياجربانه ياشحاته انتى اللى هتأكليهالى انا
ده انا معايا فلوس تشترى بلدك دى
- ماشي ياستى هعديلك كل اللى قولتيه ده واركز تانى على اللى جايه فيه عشان مش فاضيالك معانا فى المصلحه دى؟!!
ولا امشي؟!!
- لا اما افهم الأول ياعين امك ...ادخلواا
دخلت انا وخليفه لبيت كرامه اللى كان زى ماالناس بتحكى عنه بالظبط
مجموعه من الجماجم لبعض الحيوانات وبخور فى اماكن متفرقه فى البيت وواضائه حمراء لزوم الخوف يعنى
وكنبتين قصاد بعض وفى وسطهم طرابيزه كبيره مدوره وكرسي وراها
قعد خليفه على الكنبه وهو عمال يستعيذ بالله من الشياطين اما كرامه قعدت على كرسيها وهى بتبصلى وانا عماله اتفرج على البيت بتاعها من فوق لتحت وكل ركن وكل حته
واخيرا رجع نظرى ليها
- هاا خلصتى فورجه يابنت فهيمه ولا هتفضلى طول الليل تتفرجى
- ههههههههههههه بصي يا كرامة هقولك كلمتين وتسمعيهم كويس اوى
- ياااه ده انتى قلبك جمد اوى يابت ..ايه من معاشرتك للميتين بقيتى زيهم قلبك ميت ولا ايه خافى على نفسك ياختى
- لا لا بقولك ايه سيبك من الحبه دول مش عليا انا ... انتى عارفه وانا عارفه ان كل ده فى الفاضي
وكل اللى بتعلميه ده مش هياكل معايا ومش هيدخل دماغى
ردت بنظره قلق
- قصدك ايه ....يابنت المغسله ..؟!!
- اولا بطلى لسانك الطويل ده ثانيا لما تكلمينى تقوليلى يافاطمة او يادكتوره فاطمة انا ليا اسم تتكلمى بيه
بصي ياكرامة انا عارفه انك نصابه وانك لا بتفكى اعمال ولا بتفكى سحر ولا بتعرفى حتى تقري الغيب وكل ده شويه حركات عشان تكسبي قرشين
والكلام ده انا متاكده منه زى مانا متاكده انك قدامى ..بس برغم كل ده جيالك فى مصلحه حلوه وكل الفلوس اللى معاكي دى كوم
واللى هتكسبيه من هنا ورايح كوم تانى شهرتك واسمك المسمع ده مش هيسمع فى المنصوره بس لا هيسمع فى مصر كلها من شرقها لغربها وهتبقي بجد كرامه صاحبه العلامات والكرامات اللى بتنول اللى جيلها بركاتها وتقضي حاجتهم
لو موافقة اقعد ونتفق ؟!!!
سكتت شوية وهى بتفكر وفى نفس الوقت جوا عنيها نظرات الخوف والقلق
شيلت نظرى عنها وبصيت لخليفة اللى معندوش اى فكره احنا هنا ليه
قاطعنى صوتها وهى بتقولى
- فهمينـى الاول يا فاطمة انتى عاوزه ايه بالظبط
- ماشي ...يبقي اقعد ..انتى طبعا بيجيلك ناس كتير اوى عاوزين يفكوا الكرب ويقضوا حاجه وانتى بتخميهم وبتاخدى فلوس فى الفاضى
من هنا ورايح لو حطينا ايدينا فى ايد بعض هيبقي مش فى الفاضي اللى هيجيلك هيخرج من عندك حاجته مقضيه
- ده ازاى ان شاء الله ؟!!
- ملكيش فيه انا اللى هقولك تعملي ايه وانتى تنفذية بس وتبقي انتى اللى فى الصوره
وانا بعيد خالص ولو اسمى جه فى حاجه مش هتخلصي منى ابدا وهبقي عملك الاسود
- وانتى بقي ياعيله اللى هتعرفى تعملى اللى معرفتش اعمله طول السنين دى ؟
- اه انا اللى هعمل وهتشوفى... انا بقالى شهور بستعد لكل ده دلوقتى جه وقت التنفيذ
- والمعدول اللى انتى جراهولى ده ايه دوره فى المووضوع ؟!!!
- كل حاجه هتعرفيها فى وقتها .دلوقتى انتوا الاتنين موافقين تبقووا معايا ولا لا ؟!!
ردت بسرعة بدون ماتفكر حتى
- مدام فيها فلوس كتير زى مابتقولى يبقي معاكى؟؟!!
- وانت ياخليفة ..؟؟!!
- معاكى يابلة ...انا نفسي ارحم عيالى من الشقا واعلمهم وادخلهم المدارس عشان ميبقوش زيي ..واللى يرفص النعمه اللى جياله يبقي حمار
- ماشى بس عشان تبقوا فاهمين الفلوس اللى هتطلع من الحوار ده هتتقسم علينا احنا الثلاثه بس انا هاخد تلتين وانتوا التلت ومتقلقوش التلت بتاعكو هيفيض ويكفى واللى احنا هنعمله ده هيبقي سر بينا ولو السر ده طلع بره فى رقاب هتطير
والخاين بينا مصيره الموت وهتقسمو على كده
ردوا فى نفس واحد " نقسم "
- عشان تبقوا فاهمين من هنا ورايح
اى كلمه اقولها سيف على رقبتكوا تتنفذ امر لازم تطيعوه
- "موافقين "
- ماشي نضفى كل الشغل القديم بتاعك وانهيه
واول حد يدخل بابك من بعد اتفاقنا ده تتصلى بيا قبل مايوصلك هكون عندك اسمع بودنى شكوته
واقولك تعملى ايه هستنى منك تليفون فى الرقم ده...
وخدت قلم كان قدامها وكتبتهولها فى كشكول قدامها
طلعت انا وخليفه وفهمته انه يستنى منى تليفون ومشيت فى طريقى انى اكمل الخطوة اللى باقيه ..
مشيت ناحيه البيت المهجور اللى ورا بيتنا بشارعين هو
ده أأمـن للخطوة الاخيرة .......!!!!
ليست هناك تعليقات:
إرسال تعليق