كنت بصرخ حد يلحقنى بس مكنش فى صوت بيطلع كل اللى بيطلع منى سكوت رغم صوتى اللى حاسه بيه بس مش مسموع
حركت رجلها ونزلتها من على السرير واحده واحده وبدأت تتحرك ناحيتى
جفون عنيها بقي لونها اقرب للرمادى وواحده واحده بقي لونها لون السواد
بتقرب منى خطوه خطوه وجسمي بيترعش بس الرعشه مش رعشه بروده او خوف دى رعشة الموت نفسها اللى
شفتها فى وشوش كتير ايديا كانت السبب فى موتهم
الضوء بدأ يقل والسواد بيطلع اكتر واكتر من عنيها لحـد مبقتش شايفه حاجه خالص زحفت بجسمي بدور على اقرب حيطه
زحفت والقيود حيشانى والضلمه منعانى انى اشوف اى حته احمى ضهرى فيها
واخيرا اتسندت على حيطه حاولت اركز على نور ضعيف جاى من بعيد
كانت لسه بتقرب واحده اكتر واكتر اقرب واقرب لحد ماوقفت قدامى ومديت ايديها بببطئ شديد حطيتها على راسي
نطقت يمكن اقدر استعيـذ
بس استعيذ بـايـه بربنـا اللى كفرت بيـه ؟؟؟؟؟؟ واستعيـذ اصلا من ايـه من شيطـان جوايا صاحبتـه واستعنـت بيه؟!!
بس حتى الحيطان اللى كنت سانده روحى ليها بقت فجأه ايدين بتشدنى جواها وكانى ايد زقتنـى من على حرف بير
كنت بنزل لتحت لتحت حاسه بجسمي وهو بيقع ومستنيه اللحظه اللى هتحضن فيها ضلوعى الارض كنت سامعه بص صوت انيين مكتوم لناس كتير حواليا
كان بينزل جسمي بسرعه كبيره لحد ماخيرا اتقابل بالارض وصدمه جامده وجعت كل حته فى ضلوعى .........
محبوسه فى بير غويط اووى اوى
ضلمه مفيش غير ضوء بعيدد فووووق فوق اوى
حاولت اجمع نور فى عيني واشوف اى حاجه حواليا بس انا مش بير
انا فى قبر ......... قبر واللى حواليا دول ميتين متكفنين بالسواد قماش الكفن بتاعهم لونه اسود بصيت على ايديا ورجليا لقيت قيود من نار
انا مت ولا عايشه قعدت اصرخ اصرخ لحد ماسمعت صوت جاى من بعيد بيقرب منى صوت عارفاه
...فاطـــمة ؟!!!!
- انتى هنا يااختى وانا بدور عليكي انتى بتعملى ايه هنا؟!!!
" صـوت كرامـة "
فتحت عنيا على النور اللى كان فى الاوضه كنت واقفه بين الباب وبين السرير اللى عليه البنت
انا مش عارفه ايه اللى حصلى وايه اللى شفته ده حتى مش قادره افسره ؟!! ازاى احلم حلم وانا واقفه حتى عنيا مغمضتش؟!
وقفت مفزوعه دقايق جمب منى كرامه اللى كانت فى حاله ذهول صدمه غيرت من ملامح وشها لملامح خوف وعنين بتدقق وكانها مش مصدقه اللى شيفاه
كان المنظر اصعب من انى اوصفه كفن مقطع وجسم عليه خرابيش كتير لونها ازرق ضوافره معلمه كان باين عليها عذاب كتير
- الله يخربيته عمل ايه فى جتت البت ابن الكلب النجس ده ؟!!! .... ورجع الصمت تانى بينى وبين كرامه بعد ماقالت اللى جواها على الاقل قدرت تطلع الصدمه اللى شيفاها قدام عيونها
حاولت اطلع الكلام منى بصعوبه وكانه بيخرج بنار من بين ضلوعى
- البنت دى لازم تتغسل وتتكفن من جديد ......
- ازاى يافاطمة مينفعش يابنتى ...
- زى مابقولك تسمعى الكلام وتنفذيه انا اللى هغسلها ...روحى سخنيلى ميه وهاتيلى خيط وابره اخيط الكفن ده
"قعدت اخيط الكفن وانا فى حاله اول مره احس بيها دموع بتنزل غصب عنى حاسه بنار غضب جوايا حاسه انى بس عاوزه انتقم
مش اكتر ولا اقل نسيت انى شبهو
يمكن هو بيدفع فلوس عشان يتبسط بجسم فارقته الروح
وانا باخد فلوس عشـان متعـة شاذه من نفس النوع :
كنـت واقفه اصب على جسمها الميه ودموعى نازله مع كل نقطه بتنزل اول مره احس ان انسانه من لحم ودم زي باقى الناس ضعيفه برغم جبروت قوتى ..بس حسيت انى خسرت حاجات كتير ...حتى احترامى لنفسي بعته مقابل شويه فلوس عارفه انى لو بكيت بدال الدموع دم هى عمرها مهتسامحنى
بنت خطفها الموت ورحمها من العذاب يمكن كانت فى يوم زيي وزى بنات كتير ضحيه اباء وامهات جنوا عليهم من غير مايحسوا بالذنب
ذنبها ايه تتعذب حتى بعد موتها ...وانا السبب ..كنت بطلب منها تسامحنى وانا عارفه ان الطلب ده مرفوض وحتى لو هى سامحتنى ربنا مش هيسامحنى "
خلصت تكفينها وطلبت من خليفه اللى كنت بلغته يجي ياخدها ويرجعها لقبرها تانى ...شالها خليفه على كتفه
وخرج بخطواته الضخمه السريعه وانا براقب وهو خارج من الباب
لبست عبايتى وخرجت فى طريقي للبيت
- ايه ياابله فاطمة هو انتى ماشيه كده ياحبيبتى من غير مانقسم الفلوس ولا ايه ؟؟!
- اقسميهم بينك وبين خليفه ياكرامه مش عاوزه منهم حاجه وبعدين انتى تعبتى معايا فى الغسل
وخرجت فى الشارع وسط البيوت بحفر بخطايا طريقي للبيت كنت حاسه انى بجر رجلى مكنتش قادره ارفعها وامشي وكل اللى قدامى صوره الحيوان ده وهو بيقطع الكفن من على الجثه
فتحت شباك المطبخ ودخلت وقفلته ورايا ...بس المره دى مكانش الحال زى ماهو
كان صوت زعيق ابويا وصوت صريخ امى .......؟!!!!!!!!!!
قلعت عبايتى بسرعه وخدت نفس جامد وجريت ناحيته وهو رافع حزامه الجلد على امى
وقبل ماينزل بيه على جسمها كنت شديته من ايديه ولفيته على كف ايدي
- ايه اللى انت بتعمله ده هو انت مفيش فايده فيك ...انا قولتلك لو ايدك اتمدت على حد فيهم هقطعهالك انت مبتفهمش ؟!!!!!!!!
" بس كانت المره دى نظراته غريبه ....نظره استهزاء ومكر خبث بين عيونه غريب ....,, سحب نفسه ناحيه الركن بتاعه
بين احجار المعسل والشيشه والفحم المولع وسحب اول نفس ليه من الشيشه بعد مارص الفحم على الحجاره "
- شوفى ياحبيبة ابوكـى الشويتين بتوعك دول خلاص مبقتش اتهز بيهم ..خليكى عاقله بقي وتسمعى كلام ابوكي وتنفذى كل اللى هقولهولك بالحرف
والا بقي نكشف المستور ونفضح الدنيا ونخلى اهل البلد يسلموكى تسليم اهالى للمديريه ...؟؟ ايه رايك ياحبيبة ابوكى فى الكلام ده ؟!!
" وقفت تايهه والكلام محشور فى زورى وكأن ايد بتضغط علي رقبتى ..يقصد ايه ياترى ..عرف حاجه ولا بيوقعنى ..؟!!!
وجهت كلامى لأمى وحاولت اتماسك على قد مااقدر عشان مخليهوش يوقعنى او يستضعفنـى؟ "
- ادخلى ياماما الاوضه واقفلى الباب عليكي ومتطلعوش الا لما اناديلكو متخافيش محدش هيمس شعره منك انتى واخواتى زى ماقولتلك
" نفذت امى كلامى ودخلت اوضتها وقفلت الباب عليهم كويس زى ماقولتلها "
- خير بقي عاوز منى ايه بالظبط ؟؟!!! مش فاهمه ...
ايه الفلوس اللى بديهالك مش مكفياك طمعان فى زياده 20 او 30 جنيه ..؟!!
- 10 الاف جنيه ياروح ابوكي ....
- نعم 10 الاف ايه ؟!!!! ودول اجبهملك منين ؟!!!
- لا انتى عارفه كويس هتجبيهم منين يابتاعت الميتين ,, ولا تحبي اهالى البلد بقي يعرفوا انك بتلفى على بيوت العزاب بتوع البلد بيت بيت وماشيه على حل شعرك ..وانا اطلع الاب الغلبان اللى المخدرات والشرب اكلوا دماغه ومش قادر يلم بنته الفاجره بتاعت الرجاله اللى خاييف يكلمها تقوم مستقويه عليه وقتلاه
10 الاف من سكات والا انتى عارفه اللى هيحصلك
" لمعت فى دماغى فكره من دهب .."
- لا انا هقولك حاجه حلوه اوى ..اب خمورجى ومدمن بيضرب بنته ليل ونهار وعاوزها تمشي فى البطال ...وتقوم البت متصله بمركز الشرطه وتطلب منهم يجو ياخدوه وخلى بقي حد يصدقه واهالى البلد كلها تشهد ..؟؟!!!
- غبيه ياروح ابوكى ...اصل لما يجو عشان ياخدونى مش هروح لوحدى هاخدك معايا فى كلبش واحد ...اصلى ساعتها هقولهم على الشباك وعلى خروجه نص الليل وكرامه وخليفه التربي وساعتها ماهيصدقوا بقي ...... شفتى انى عارف وواعى لكل حاجه هو انتى فكرانى نايم على ودانى
شوفى ياروح ابوكى ياتدخلى تجيبي 10 بواكى من جوا يااما انتى حافظه نمره المركز ولا اتصلك بيهم؟ّ!!
" صدمة ..دى مصيبه مش صدمه ..لو كلمه طلعت منه لحد فى البلد هروح فى داهيه ...دى فيها موت مش هزار ...ابويا لو شرب كاس واحد هيطلع كل الحكايه للناس ..بس هو عرف ازاى ؟!! كل ده ؟؟ "
- طيب وانا ايه يضمنلى انك مقولتش اى حاجه لحد ؟ّ!!
- انا لسه عارف بالصدفه النهارده ..شفتك وانتى بتتسحبي من الشباك ومشيت وراكى وشفتك وانتى داخله بيت كرامه وخليفه التربي وهو شايل جتت ميت على كتفه مش محتاج اكتر من كده عشان اعرف دماغ بنتى الوسخه مهى تربيتى لازم تكون طلعالى .. مش صح ولا ايه يافطومة
- خلاص انتهينا هجبلك الفلوس واخرس وسيبنى فى حالى ...
- ماشي يابطة ابوكى هاتيلى ال10 بواكى واسيبك فى حالك بس عشان تبقي فاهمه عشان تخرجى من هنا ورايح من الباب او من الشباك
بإذنى انا واى مصلحه هتعمليها ليا فيها النص من اللى هيجيلك .
" اتجاهلت كلامه ومشيت ناحيه الاوضه قفلت الباب ورايا وجبت مفتاح ضرفه الدولاب اللى كنت حطاه بين شويه كتب قديمه فوق الدولاب
خدت 10 الاف جنيه وعدتهم وخلاص هقفل الدولاب لفت نظرى كيس اسود صغير
فتحت الكيس اللى كان فيه شويه حاجات كنت جيباهم للكليه وشويه امبولات مخدر كنت بتسخدمهم فى تخدير الضحيه قبل القتل
بدون تفكير مسكت سرنجتين ومليتهم كميه كبيره من المخدر ...
كان فى الكيس مشرط طبي جديد ... "مش خساره فيه "
طلعت من الاوضه وفى ايدي الفلوس وحطيت الحقن والمشرط فى جيبي
كنت ببصله وانا خارجه ناحيته وهو قاعد بيشد نفس ورا نفس وانا عازمه الامر ان ده اخر نفس هياخدو فى حياته
اديتلو الفلوس من سكات كانت على وشه نفس الابتسامه الصفرا هى هى ونفس الملامح البشعه ونظرات الخبث والمكر فى عنيه
بدأ يعد فى الفلوس وسرح معاها
طلعت من جيبي الحقنتين وضربتهم فى عروق رقبته بسرعه من غير ماينتبه وفضيتهم بسرعه
- انتى بتعملى ايه يابنت الكلب هتموتينى هتموتى ابوكى وثوانى وكان غاب عن الوعى
وقفت ابص ليه وانا فرحانه فيه لاول مره فى حياتى الطويله اشوفه نايم على الارض رغم عنه مسلوب الاراده
مسكت رجليه وشديته بقوه كبيره ناحيه الحمام كان جسمى رجعتله الطاقه مع خروج النيران من بين انفاسي وتحريك اللى ساكن جوايا
شديته لحد مادخلته الحمام وقفلت الباب عليا كويس
طلعت المشرط من جيبي وقربت من رقبته مررت المشرط على الشريان السباتى الايمين وانا بسحبه برفق لحد الشريان السباتى الايسر
المسؤل عن ضخ الدم للمخ
كان جسمي فى رعشه غريبه وبروده ماسكه فى اطرافى وفى ايدي
رميت المشرط من ايدي وقعدت احرك ايدي اللى حسيت ان البروده اللى فيها شلتها
وانا بحاول انشط الدم اللى فيها
بس البروده زادت فى جسمى وسيطرت اكتر على عمودى الفقري
وغصب عنى دموعى خانتنى معرفش دى دموع ندم ولا دموع فرحه وراحه
وشريط سريع لكل الذكريات السوده اللى شفتها منه مفيش اى حاجه فيها فرحه كنت بحسد البنات اللى فى سنى وهم بين احضان اهلهم مفتكرش انه مره خدنى فى حضنه كل اللى شفته منه كان عذاب حتى اول ذكرى ليه فى خيالى كانت فى عمر صغير جدا كنت يومها 3 سنين او اقل فاكراها وكانها صور متركبه ورا بعضها فاكره جزمه بيضربنى بيها على دماغى وعلى وشي ودم كتير منى على الارض فاكره امى وهى بتاخدنى فى حضنها وبتجرى بيا على الوحدة الصحية
فاكره حقن كتيره بيدوهالى وانا بعيط من الالم
- انا بكرهك بكرهك اوى ...ايوة انا عارفه ان ربنا هيحاسبنى بس ربنا هيحاسبك لانك السبب فى كل اللى انا وصلتله
بصيت بنظرات سريعه على ايده اللى كانت مصدر عذابى وعذاب اخواتى وامى
- مش هرحمك زى ماانت مرحمتناش حتى بعد موتك هعذب كل حته فيك
مسكت المشرط فى ايدي وفى الايد التانيه مسكت ايدو فصلت بين الجلد واللحم لحد مابان العضم قدامى طلعت اجرى على المطبخ
جبت سكينه كبيره بسن معدنى حاد وايد بلاستك سوده تخينه
مسكتها وحطيتها على عظم ايدو
وضغط بكل جسمي على السكينه
سمعت صوت العضم وهو بينفصل عن باقى عضم الدراع
احساس بالراحه والرعب فى نفس الوقت رميت السكينه ورميت المشرط من ايدي
فضلت ايدو اللى قطعتها بين ايديا رمتها جمبه على الارض
ودموعى نازله مش عارفه بتغسلنى ولا بتقوينى
قعدت فى ركن فى الحمام وهو قدامى وببصله مش عارفه ان كنت سرحانه فيه ولا سرحانه فى المصيبه اللى بقيت فيها مش عارفه اتصرف ازاى
لحد ماجت الفكره دى قدامى مكنش ينفع غيرها وخصوصا ان امى واخواتى هيصحوا بعد شويه وممكن الموضوع يتكشف
لازم اتصل بخليفة ................!!!
ليست هناك تعليقات:
إرسال تعليق