الحلقة الثانيـة من " المـوت قـدرك " لميـريهان عـمر

 ماشي يابنتى هشيلك الاكل فوق الفرن  وهغطيهولك  عشان تاكلى .. واعملى حسابك  متروحيش الكليه  الصبح  عشان ورانا غسل  خالتك باتعه ام ايوب
- ايه ده هى ماتت امتى ؟!!..
- لسه من شويه جم قالولى وقالو انها  فى تلاجه المستشفي وهيجبوها بكره يكفنوها ونغسلها هنا فى بيتهم اللى على اول البلد
- طيب خلاص مش هروح الكليه بكره ..

بس فجأه قطع صوت كلامنا  صوت صريخ من برا الاوضه     
 ده صوت هدى..........؟ ؟!!!!

قمت  جريت انا وماما  عشان نشوف هدى مالها بتصرخ ليه!!!!
 وكان صريخهآ جامد ...
لقينا هدى واقفه فى حاله من الرعب والعياط والرعشه..!
وكان  مصطفى   مرمى على الارض فاقد الوعى..  فى حاله تشنجات  جامده جدا فى جسمه  وسوائل بيضه بتخرج بين شفايفه......!!!!!!
جريت  عليه وحاولت احركه على جنبه اليمين , وحاولت انى احمى راسه من انه  يخبطها فى اى حاجه وقولت  لهدى  تجرى تجيب بطانيه..!
حطيت البطانيه تحت جسمه وانا بحاول احميه من انه يأذى نفسه , لحد ماتبدأ التشنجات دى تقف وجسمه يهدا تماما ..
 عدلته بعد معاناه على جنبه ورجعت راسه لورا عشان السوايل دى تقدر  تنزل ويقدر هو يتنفس.., وفعلا 

اخيرا!!!!
 وقفت التشنجات  وبدأ جسم مصطفى يهدا
وبعد مافاق  كان فى حاله  من الدروخه الشديده والخوف .. حاولت اهديه واطمنه وطلبت من
 هدى تساعدنى فى اننا ندخله الاوضه  بتاعته , واخدته للسرير بتاعه ونيمته وغطيته وخرجنا وسبناه بعد مااطمنت انه بقي كويس

 
**
كانت هدى  واقفه  وهى لسه بتعيط من الخوف وجسمها بيترعش اما امى كانت قاعده وحاطه وشها فى الارض  
وجهت كلامى ليهم :
 
- احب افهم بقي ايه اللى حصل بالظبط النهارده ؟؟؟!!!
ياريت تفهمونى ايه اللى حصل ووصل مصطفى  انه يوصل للحاله دى ؟!!
 
انا بكلمكوا.....  ياريت حد يرد عليا انا مش بكلم نفسي فى ايه اللى حصل؟؟
 
 ردت  هدى وهى بتمسح دموعها

- ابوكى ضربه النهارده بالخرطوم على جسمه..  وافترا عليه جامد وكان مصطفى ساكت  مصرخش حتى  !
استغربت انا وماما من انه  حتى مقالش  اه,,
ابوكى حاول يخنقه ولحقناه بالعافيه .. وكل ده ومصطفى ساكت .. حتى مخافش زى كل مره ولا صرخ !!

- متقوليشششش ابوووووياااااااا !!!!!!!!!! عشان هو ميلزمنيش اب  ربنا ياااااااخده  ... ليه الافترا؟؟؟؟؟؟   طيب افترا علينا  واستحملناااا ... مخلى حياتنا   لعنه  وبنسكت وبنستحممممل .... بس ذنبه ايه ده؟؟؟؟ هااااا؟؟؟؟ يعمل فيه كده؟؟؟؟   مريض مش عارف اى حاجه ومش حاسس  بااى حاجه فى الدنيا  حتى !!!!!!!
عملو ايه مصطفى ؟؟؟؟؟؟؟
ده مصطفى ولا كأنه عايش معانا!!!!
هادى وساكت  وفى حاله  احنا لو كفره مش هيعمل فينا  كده!!!!!!!!!!
بس هو مش غلطته .. مش غلطته ... عارفه غلطه مين ياست  فهيمه ؟؟؟ ولا متعرفيش  غلطتك؟؟؟؟؟
 انتى .... انتى السبب.. فى العذاب اللى احنا فيه,  انتى اللى سكتى وذليتى نفسك ضعيفه ومستسلماله ...!!!!!!! ليييييييييييه ياشيخه.. هو احنا مش ضناكى؟؟؟؟؟؟
 لييييه  ده القطططه اللى هى القطه ..بتخاف على  عيالها..!!!
 وانتى  سلمتينا ليه  ولذله  فيناااا .!!!!!!
جبتينا ليه للدنيا مدام مش هتقدرى تحمينا منه؟؟؟؟؟  مصعبناش عليكي واحنا  طول عمرنا مش زى العيال اللى فى البلد؟؟؟؟ واحنا زباله  بناخد بواقى الناس؟؟!
 حرام عليكي ياشيخه.. حرام عليكي.. ربنا ينتقم  منك!!!! ووووومنه!!!!!  انا مش مسامحاكى ..ولا مسمحاه .. وكل يوم بتعيشيه معاه  ده انتقام من ربنا على اللى عملتيه  فينا   !!!!
""""

وخرجت من قدامها وهى قاعدة نفس قعدتها وحاطه وشها فى الارض زى ماكانت
خرجت وانا بسال نفسي مليون سؤال ...كارهاهم وكارهه حياتى 
وفى نفس الوقت صعبان عليا مصطفى اللى ميعرفش حاجه فى دنيته
صعبان عليا هدى الطفله اللى مش فاهمه  حاجه ...وبتصحي على على زعيق وخناق وبتنام على زعيق وخناق ..!
حتى  امى صعبت  عليا برغم اللى عملته فيها......
 انا مش عارفه عملت ليه كده فيها وليه قولتلها كده ؟؟
وانا عارفه انها مفيش فى ايديها حاجه ... كفايه انى شفت الانكسار والالم فى عنيها
انا عارفه ان امى  قليله الحيله... وعارفه برضو انها  مغلوبه على امرها  ومعندهاش  اى طريقه تنجدنا بيها .. بس يمكن كنت بطلع غضبي فيها لانى مش قادره اطلعه فيه ....
انا مفرقش عن امى كتير.. انا برضو ضعيفه ومستسلمه ..!
جبانه  وبغلط فى حق اخواتى  زى ماامى غلطت فى يوم من الايام فى حقنا!
""""
حاولت  انام  بس هجوم الافكار اللى سيطر على تفكيرى مخلانيش اقدر انام مع احساسي بالذنب ناحيه امى..!
 كان لازم اتكلم معاها واعتذر لها  واحل الفراغ اللى  بينى وبينها بس جوايا مليون حاجه منعانى مش عارفه ايه هى 
قررت انى لازم اقوم  اكلمها  ,
كانت الساعه بقت حوالى 12 بليل  وطبعا  كان الكل نايم وفعلا قمت
كانت نايمه  على  الكنبه اللى كانت بتنام عليها فى اوضه هدي ومصطفى 
فتحت باب الاوضه  عشان محاولش اقلق مصطفى  وهدى ويحسو بيا
قربت منها كنت سامعه صوت عياطها  وهى بتحاول تخفيه واحساسي مع كل خطوه  بيزيد وانا بسمع صوت عياطها المكتوم ..!!!
وكان دموعها نار بتحرق  جحود قلبي وقسوته  جبل  البروده اللى فى قلبي بيسيح  مع  كل خطوه بقربها منها !!!!!
محستش بنفسي غير وانا نايمه جنبها على الكنبه  الصغيره اللى كانت  امى نايمه عليها  وبرغم انها كنبه صغيره جدا الا ان كان فى مساحه اقدر انام فيها بسبب جسم امى الهزيل
ضميت ايدي حوالين جسمها وقولتها

-  انا اسفه ياامى متزعليش منى حقك عليا
 
*حطت ايديها على ايدي وطبطبت  عليا فى سكوت *

- سامحينى  انا غصب عنى  اضايقت .. انتى عارفه اللى حصل ده  لمصطفى ده معناه  ايه ؟ معناه حاله صرع
ولازم دكتور مخ واعصاب يشوفه وتحاليل واشعه  ومصاريف احنا مش قدها ده غير العلاج..!
ده غير ان مصطفى حرام يتعذب كده يامااما..! مش كفايه انه فى حاله  ومع ربنا  وبس بيأذيه ليه؟؟؟
عمله ايه ؟؟؟؟
انا مش هسكتلو من هنا ورايح خلاص !!!
هقف قدامه واللى يحصل يحصل انا تعبت  من الحياه دى ومن حياتنا دى
نفسي اعوضكوا عن العمر اللى  قضيتوه فى عذاب هشتغل وانتى ترتاحى
واصرف عليكي انتى واخواتى  وهو يغور يطلع من حياتنا..!!
من النهارده الحال ده هيتغير ودى اخر مره  هيأذى حد منكو

ردت امى بعد صمت  كبير

- فى ايدك ايه تعمليه يافاطمة  ؟
يابنتى احنا مش قده ولا قد اللى  بيعمله فينا ...انا مش عاجزه ولا مستسلمه  زى ماانتى فاكره انا  مش عارفه اعمل ايه ؟
انتى شايفانى لا اب ولا اخ بيسال عنى  وكلهم رامينى  ليه  باعونى زى البهيمه شافونى وانا بتبهدل  وبتمرمط ويوم لما رجعت ليهم وانتى عيله  صغيره شيلاكى  على ايدي وماسكه اخوكى فى ايدي قالولى  نعملك ايه ؟وهنصرف عليكي وعلى عيالك منين؟  ارجعى لجوزك والست ملهاش غير بيت جوزها
كنت اعمل ايه اخدكم واطفش بيكم  واشيلكم العار والذل طول حياتكم ؟!
انا مش ضعيفه يافاطمه انا قليلة الحيله  قوليلى اعمل ايه كان كل املى مصطفى يكبر ويصرف علينا ويطلع راجل يشيلنا  بس حكمة ربنا انه يطلع مريض
وميقدرش يساعدنا ويفهم ويحس بينا  هتقفى قدامه ازاى؟؟؟ مش هتقدرى عليه يابنتى

- لا هقدر انا خلاص عرفت انا هعمل ايه  وهتصرف من هنا ورايح معاه  ازاى  مش عاوزه  اغلط فى حق اخواتى اكتر من كده 
نامى انتى ياامى دلوقت  وكل حاجه هتتحسن واحده واحده  نامى عشان ورانا شغل بدرى
**
رجعت لاوضتى وانا واخده القرار  انه مش هسمح ليه انه يتعامل معانا بالاسلوب ده  تانى ولو حط ايدو على حد  فينا هقطعهالوا
**
________________________
 
صحيت على صوت امى وهى بتصحينى  عشان الشغل اللى ورانا  كانت الساعه حوالى الساعه 8 صباحاً
فطرت وحضرت  كل الادوات اللى محتاجينها واتحركنا  ناحيه بيت ايوب ابن الست باتعه اللى على اول البلد
كان جوايا  نشاط وفرحه من نوع معين كان بيجيلى كل مره  مع  استقبالنا لجثه جديده  ونقوم بغسلها ..!
اخيرا وصلنا لبيت ايوب  اللى كان واقف على باب البيت  فى حاله من الحزن واضحه عليه ..!
وعيون حمراء منفوخه الجفنين  من اثر البكاء على المجحومه  امه  بصيت له بنظره مليانه شماته وإبتسامه مقدرتش اخفيها من على ملامح وشي  وبصلى بنظره استغراب من نظرتى!!!  ..اما  باقى الموجودين فى الصالة الكبيره اللى فى مدخل البيت كانوا عباره عن مجموعة من الستات  كالعادات المصرية التقليدية  مرتدين الملابس السودة  وبيمارسوا  مراسم المجاملة المفروضة  بالصريخ والنحيب وهم ممكن يكونوا اصلا مش من  عيله المتوفيه ولا يعرفوها  بس كنوع من الواجب والمجاملة ومشاركه الفاجعة لاهل المتوفى
ودخلنا ناحيه  الاوضه اللى فضوها  من العفش عشان نبدا فى  العمل  على ان الجثمان  يكون حاضر على الساعه 11 لينقلوه على الجامع للصلاه عليه
كنت مجهزة ادوات  للغسل كانت موجوده معانا  كان عباره عن زجاجات صغيره فيها  زيت المسك والكافور  وبعض من اعواد البخور
و احضر بعض السيدات والرجال  المحارم للمرأه جثمانها على سرير الغسل 
وهى عباره  عن   قاعده معدنيه كبيره مثبته على طرفين  حديد  لتماسكها  بفتحيتين واحده فى اولها  وواحده فى اخرها  لنزول الماء للارض  وخرج كل الناس  من الاوضه  وخرجت امى تجيب الماء الساخن
وتركتلى  خلع الملابس
 وقفت اخلع الهدوم فى هدوء  تام وبروده اعصاب  وحاله مسيطره عليا  عاجزه انى  اوصفها من متعة وسعادة
وقفت اتأمل لعيونها المغمضه نص تغميضه  والهدوء الساكن فى جسمها وكانها نايمه بس المره دى مش نايمه
 نايمه نومه  مش هتصحي منها ابدا
دققت فى كل تفاصيل جسمها  وافتكرت  اخر مره شفتها وهى واقفه  قدامى بتتباهى  بالدهب الملفوف على الدراعين اللى دلوقتى  بقوا فاضين من كل حاجه
كانت لحد امبارح ست بشعه  جواها كم من الغرور والقسوه تجاه كل الناس فاكره انها تقدر تشتري اي حد بفلوسها
فاكره كويس اليوم اللى جت تعرض على امى انها تجوزنى ابنها ايوب   ابن امه  شاب ضعيف الشخصيه  مش بيسمع غير كلامها فى اى حاجه   فاكره لسه كلامها  وهى بتقوله لامى وانا واقفه ورا باب الاوضه  بسمعه  وبيرن فى ودنى

(( بصي بقى ياست الكل إبنى ده مش هتلاقو ضفره يعني ياتقبلي ويعيش بنتك عيشه عمر اهلها ماشموها يا تفضلو فى الخرابه دي ياحبيبتى تاكلو بقايا جيرانكو وعشان تبقى فاهمه ياحبيبتى بنتك اه فى كليه طب " شالله ياطب " بس هيفضل اصلها زي ماهو ومش عايزة اقولك بقى اصلها ده ايه كفايه ان اسمها مغسله ميتين , زي امها
وان ربنا كرمها وبقى معاها فلوس فا هتبقى خزنه ابوها الي هيجيب بيها المخدرات والخمره الي بيقربعها طول الليل مع صحابه الصيع ))

قربت شفايفى من ودانها وهمست ليها بصوت واطى كنت عارفه انها سمعانى
مهو الميت بيحس  بكل حاجه وروحه بتكون حاضره
 
- شفتى ياام ايوب  اديكي موتى ..! ومخدتيش حاجه معاكى دهبك اتقلع واترما فى الدولاب ..
وابنك الخايب.. الفاااشل.. الدلدول ..! هيجيب واحده تاخده وتتعايق بيه او هيبيعه ويصرف فلوسه
اما  انتى بقي هكفنك بايدي فى كفن ابيض ملوش جيوب مش هتاخدى معاكي غير عملك الاسود  ودعا الناس عليكي " ربنا يجحمها "
انا دكتوره  غصب عنك وحتى لو فضلت طول عمرى مغسله
المغسله دى
هى اللى هتغسلك وهتبقي واقفه تشمت فيكي

  وختمت كلامى بضحكه من قلبي
**
دخلت امى  وبدأنا الغسل  وصب الميه الممزوجه بالكافور والمسك   على الجسم
وكملت انا وماما الغسل  بس من جوايا كانت المتعه اكبر من اى مره تانيه
ريحة الموت  اللى بتخلينى  فحاله لا شعورية
والاطراف المتصلبة وحاله عدم الاستجابه  لكل اللى بيحصل فى جسم الشخص الموجود قدامى دى بتخلينى فى قمه الاستمتاع
انتهى الغسل وخرجت انا وامى  وانا فى حاله نشوة جميلة
وكأنى كنت بستمد قوة من نوع اخر من رائحه الموت اللى ملت انفاسي 
 كنت مبسوطة جدا ونفسي مفتوحة لكل حاجه
اكلت   ودخلت نمت  بعد شعور خفيف بالاجهاد
مش قادره احدد فى الوقت ده نمت قد ايه  بس كانت مده كبيره اوى
بس صحيت على صوت
 ** سهام  صحبتى  وهى بتكلم امى وبتسال عنى**

- امال فين فاطمة ياخالتى
  
- معلش يابنتى كانت تعبانه شويه ودخلت تريح جتتها بعد الغسل  النهارده  اصلها  تعبت اوى معايا النهارده
 
(غلبانه امى متعرفش قد ايه كنت مبسوطه ومستمتعه  ))

- خلاص ياخالتى  هعدى عليها وقت تانى انا بس قلقت عليها عشان مجتش الكليه  النهارده  اشوفها بكره ان شاء الله  تصبحي على خير
 
- وانتى  من اهله يابنتى

** سهام صديقة الطفولة  اللى كبرت معاها  شاركتنى كل حاجه فى حياتى  بنت العمدة 
بتاع القرية اللى احنا فيها  وزميلتى فى الكلية  برغم انها صحبتى وبحبها  بس ساعات كتير بتضايق منها وبحس انى كارهاها   كنت بكره حتى هدومها القديمه اللى كانت بتعطف علينا بيها امها  بضايق من نظراتها وانا لابسه فستان كان فى يوم ليها برغم انها عمرها مضايقتنى او عايرتنى او قالتلى كلمه تجرحنى **

كملت نومي وصحيت الصبح واستعديت ليومى الطويل  لان كان عندى محاضرات كتيره فى الكليه فى اليوم ده
ركبت العربيه الى عليها الدور  فى التحميل  للمنصوره
وحطيت الهاند فري فى ودانى وسرحت مع ام كلثوم
ام كلثوم بالنسبالى مش مجرد مغنيه  ام كلثوم حاله من الحب الممزوجه بالالم

احساس روح قبل مايكون احساس مشاعر  نبضات صادقه  لزمن كان نفسي اعيشه
**

وأرجع واسأل عقلي هوه الزمان هيروقلي، يقولي عقلي آه آه

العقل يا ربي ضايع ومتبدد

والقلب في جنبي يسكت ويتنهد

آه من لقاك في أول يوم ومن رجايا ومن حبي آه
ورجـع تفكيـرى تـانى ليـوسف  ....!!